مرحبا حبايبي *
اليوم بعطيكم طريقة مزيل مكياج طبيعي
كثير منكم يشتري مزيل مكياج وانا كنت أولكم ولاينفع مع بعضكم ويسبب لهم حساسيه بعض المرات وممكن تشتريه غالي تقول أضمن وممكن اللي
شرته م نفع معاها وتجلس تنظف عيونها بقوه والطامه ان هالشي يسبب تجاعيد للبشره
صحيح بعض مزيلات المكياج تفتح مسام البشره ولو انفتحت مسام البشره بيصير شكل بشرتك موحلو وتدورين علاج لها
ف جبت لكم انا مزيل مكياج طبيعي وصحي للبشره بنفس الوقت وبمسحه خفيفه بيروح اغلب المكياج باذن الله
بنحتاج شغلتين فقط عشان نسوي المزيل
1_ماء ورد
2_زيت زيتون
خلونا نشوف فائدة كل مكون عشان نتطمن
فائدة ماء الورد يقبض المسام _يرطب البشره _ينظفها بعمق ويوردها
فائدة زيت الزيتون مضاد للأكسده _يرطب البشره ولو أنتي حاطه ماسكرا كثيير بيشيلها ب سهوله
الطريقه:
جيبي اي علبه فاضيه عندك ونظفيها وعقميها عدل وعبيها ماء ورد ثلاث أرباع العلبه او البطل والربع الباقي زيت زيتون حركيه بقوه لمى يندمج الزيت مع الماء
وبس أبتدي أستخدميه
والمزيل مايتسوى ب وقت الاستخدام
تقدرين تسوين كميه وتحتفظين فيها لفتره طويله مع الاستخدام طبعا موتخلينه زينه على التسريحه حقتك هههههههههه
وبس حبيباتي كذا سوينا لنا مزيل مكياج طبيعي وصحي وسهل بنفس الوقت
يلا كل وحده تقوم تسويه وتستفيد منه م بياخذ الا 5 دقائق فقط |
ليست هناك تعليقات:
إرسال تعليق